ACPPG
Navèth / nouveau
LO SITE DE GASCONTE

L'ACPPG,
QU'ES AQUÒ ?

PETITA CRONOLOGIA

LAS ACCIONS

SASON 2010/2011
LOS TALHÈRS
DE MUSICA


LOS GROPS

LOS CONTACTS

EN FRANÇAIS
Fotò Felip Plasman


L'ACPPG, QU'ES AQUÒ ?

 L'Associacion entà la Cultura Populara en País Gascon qu'ei vaduda en 1980, a l'iniciativa d'un grop de musica occitana deu parçan d'Aush, La Sansonha.
Personas nombrosas, interessadas per la recèrca, la sauvadura, la difusion e lo desvelopament de la cultura populara occitana qu'an aderit au projèct en tot ajudar a definir los objectius prumèrs :
estudi deu patrimòni culturau occitan dihens la sua composanta gascona, dambe mejans de tots :
- enquèstas sus la dança, la musica, la lenga...
- mèsa en plaça de talhèrs regulars o estagis de musica, cants, dança, teatre...
- difusion d'espectacles vius de musica, teatre, dança, contes...
- organizacion de hèstas, espectacles, concèrts, bals, exposicions, encontres o estagis ligats a la musica occitana o musicas d'autas regions o país...
- crompa d'instruments de musica, botats en locacion o locacion-crompa taus escolans deus talhèrs.



PETITA CRONOLOGIA
 En mei de las suas accions especificas enumeradas mei haut, l'ACPPG que collaborèc regde viste dambe partenarís :
- Nombrosas annadas au Comitat de Redaccion d'INFOC.
- Membre, quauquas annadas, deu Conselh d'Administracion deu Centre Regionau de las Culturas de Miejorn-Pireneas.
- Membre deu Collectiu culturas Vivas en Miejorn-Pireneas.



LAS ACCIONS
RONDÈU

Sies edicions de RONDÈU eston apitadas per l'ACPPG dihens lo Gèrs en 81a Duran e en 88, 89, 91, 93, 95 a Castèlnau-Barbarens. Cada còp, entà escambiar e partatjar, qu'avèm tribalhat dambe associacions, collectivitats.
Rondèu a Castèlnau

ACCIONS DAMBE LA VILA D'AUSH

La vila d'Aush que desvelòpa, desempuish annadas, ua politica de partenariat dambe las associacions. Desempuish 1990, que collaboram entà la programacion deu Teatre de la Vila., entà hèr entrar las musicas tradicionalas dihens lo calendari deus espectacles, tà diversificar.
En mei d'aquò, que participam a intervencions culturalas ponctualas de la Vila d'Aush.

ACCIONS DAMBE LA COMISSION DIFUSION DEU CENTRE EN REGION MIEJORN-PIRENEAS

Lo Conservatòri Occitan, Centre de las Musicas e Danças Tradicionalas en Region Miejorn-Pireneas qu'apitèc ua comission diffusion deus espectacles vius. Desempuish 5 ans ara, l'ACPPG que cò-organisa espectacles dambe aquèra comission.

ACCIONS DAMBE LOS LARRÈRS RURAUS DEU GÈRS

Animacions de talhèrs de danças, bals, cò-organisacion de hèstas...

RECÈRCAS SUS LA DANÇA

En collaboracion dambe lo Conservatòri Occitan, ua enquèsta en Gasconha deu Gèrs qu'ei miada, entà completar un tribalh jà miat dihens d'autes país de "Rondèus e Branles" de Gasconha : Agenés, Lanas, Lomanha, Bearn...

AUEI, L'ACPPG QU'EI TANBEN :

Desempuish quauques annadas, l'ACPPG qu'ei membre de la Federacion des las Associacions de Musica e Dança Tradicionalas (FAMDT).
L'ACPPG que participa tanben a las activitats de Ràdio País en tot balhar informacions e en tot participar au son finançament per un virament permanent.
L'ACPPG que hè partida deu Collectiu tà la Lenga. Collectiu deu Gèrs qui trabalha de cap tà la reconeishença deu Gascon, dialecte de l'Occitan.

L'ACPPG QU'EI AJUDADA PER

La Vila d'Aush.
Lo Conselh Generau deu Gèrs entà quauques projèctes : Rondèu e la recèrca suu Rondèu.


SASON 2011/2012
Dissabte lo 15 de'octòbre de 2011MIELAN – 21 H : Bal dambe TRES EN GASALHA e ACCORD DUO SWING dens lo cadre de las TRAD'OC'TOMNALES.
Samedi 24 d'abriu de 2012 AUSH – Teatre de la Vila concèrt dab MELONIOUS QUARTET.Collaboracion Circuits/ACPPG


L'ORA GASCONA : cada 2au dissabte deu mes, de 11 h a miejorn lo dissabte, Plaça Bèthclar.


LOS TALHÈRS
Cornamusa (tots nivèus) : Adrien VILLENEUVE : 06 80 40 56 49
diluns de 20 h 30 a 22 h30. Escòla de musica d'Aush.
Acordeon diatonic (mainatges) : Marc CASTANET
Dimècres de 14 h a 16 h. Sala Aragon a Pavia.
Acordeon diatonic tots nivèus : Joan-Francés CAPOU
Dijaus de 17 h a 22 h. Escòla de musica d'Aush.
Violon tots nivèus : Joan-Francés CAPOU
Diluns de 17 h a 22 h. Escòla de musica d'Aush.
Talhèrs de cant Rens. : 05 62 63 40 95



LOS TALHÈRS D'OCCITAN DE GASCONHAA
(Marc CASTANET)
Sala CUZIN a Aush, divès de 18 h dinca 20 h).

L'ACPPG qu'a sustot trivalhat dinc'adara entà la musica. Qu'a decidat de diversificar la sua accion e de botar en plaça un talhèr de gascon.
L'idea n'ei pas de hèr cors de lenga mès d'approishar la lenga de tots los biais possibles. Que poíren ester discussions sus un tèma causit, talhèr d'escritura, talhèr de contes, o conferénça d'un espécialiste.
Enfin que n'i aura pas de reglas rigidas mès que sera coma à l'aubèrja espanhòla, cadun poirà amiar sas ideas.



CONTACTS


LOS GROPS
ACCORD DUO SWING
LO DRAC
DAVANTÈR
COLLECTIU DEUS MUSICAIRES



ACCORD DUO SWING

AQUETH "DUETTO" N'EI PAS RECENT...

Atifats, desempuish nombrosas annadas adara de los lors braç, cams, caps e accessòris musicaus, aqueths dus compairs prepausan un concèrt o un bal de quate mans.
Musicas tots formats, tots bohets, totas talhas on s'i en vesen e entenen de totas !
Lo lor repertòri ? Tradicionau o de coposicion, mes e cau enqüèra hèr ua distinccion ?
E si jogavan sustot tau plasèr ?

Marc CASTANET
(acordeon, bohas, flabuta e tamborin, cant)
Mostachut. 1m75. Qu'ei lo mei petit.
Que jòga dambe : Lo Drac, La Rafale, La Confrérie des Souffleurs, Les musiciens de l'ACPPG.
Qu'enregistrèc : Bal de Garona, Camins (Duò Espinasse), Ompra o Só ? (Verd e blu), Nadau en Companhia, Noche en Vela (C. Vieussens).
Fotò Felip Plasman
 Miquèu LE MEUR
(sansonha, acordeon, percussions, cant)
Mostachut. 1m80. Qu'ei lo mei grand.
Que jòga dambe : Lo Drac, Macalet, Luzerp, La Confrérie des Souffleurs.
Qu'enregistrèc : LLB 80'S, Charivari, Aval-Aval, Cançons de Femnas, Camins (Duò Espinasse), Nadau en Companhia.
Que s'encontrèn dens la annadas 80 a l'entorn d'un o dus acordeons, los an chucats dinca au darrèr boton, e se quitèn pas mei, empr'amor que la complicitat devenguèc la lor moneda d'escambi. Las lors inspiracions que son multiplas : totas, totas (enfin regde ! ). Las musicas tradicionalas (Euròpa, Antilhas, Caraíbas...) Ricet Barrier, lo Jazz, la cançon d'arrisér ent'arrisér, e sustot ... l'umor ... tostemps l'umor. De servir plan enviat, dambe un pessic de chalopat...
Quauques participacions :
89 : Nuèit de la dança, l'Isla de Baish
91 : Conservatòri Occitan, Tolosa ; ADDIM, Menda ; Estagi de Saumejan.
92 : Trad'Envie, Pavie ; Musicas mescladas, Parthenay.
93 : Rencontres d'acordeon, Saint Symphorien.
91 / 93 : Rondèu, Castèlnau.
94 : Castans ; Sent Gaudens.
95 : Castèth de musicas, Ròca Hort.

CONTACTS



LO DRAC

Los Dracs que son petits esperits qui s'en van per las escuderias. Lo jorn, que s'estujan d'on pòden, dihens los traucs de las parets e devath la palha.
La nuèit, que sortishen e s'en van cuélher los lors instruments de musica que ténguen estujats en endrets on lo dansaire lo mei avisat los saberé pas trobar.
Puish que s'amassan dihens los airiaus, au mei prigond deus bòscs, o dihens las corts deus castèths abandonats, e que hèn sonar las lors bohas, sansonhas e flabutas dinc'au maitin...
(D'après Joan-Francés BLADÈR)
Fotò Felip Plasman
Que hè adara annadas que Lo Drac multiplica las pròvas que la musica de Gasconha ei rica d'influenças e d'umor, coma la lenga que pòrta.
Tradicion e composicion que son ingredients ligats, aquò desempuish longtemps. Tà l'escota, tà la dança, se cau pas privar deu plaser de l'escambi e de la complicitat !
Que podem intervénguer en concèrt, bal, animacions dihens las escòlas, estagis de musica o danças de Gasconha, velhadas...
Rendètz-vos dambe lo soing e lo chalopat....

Entà arretobar Lo Drac a la Tele :
picatz ací

Quauques referencias :

Tours / Vença-hèsta deu cepon / Nuèit deu Fòlc de Castèthnau de Gadanha / Hestenau de Vaour / Hestenau de La Ròcalambert / Hèsta deu Rondèu / Hèsta de l'acordeon de Fons / Paris-Lo Bordon / Hèsta de "Neu-Neu"-Thoux...
Los Musicaires
 Marc CASTANET : acordeon, cant, bohas, flabuta e ton-ton, percusssions.
Miquèu LE MEUR : sansonha, acordeon, percussions.
Crestian VIEUSSENS : Boha, pifre, flabuta e ton-ton, flabutas, percussions.
CONTACTS



ENSEMBLE DE VIOLONS DE GASCOGNE


Aqueth ensemble qu'enregistrèc
ua caisheta 4 títols :

"CÒP DE VENT".
Facia A :
Coup de vent (F.Bordois)
Bourrée de Saint Urbain (F. Bordois)
Facia B :
La Forêt brulée (Trad.)
Danse avec la mer (Trad.)
COMMANDAS



COLLECTIU DEUS MUSICAIRES


Animacions musicalas a la carta, dambe un collectiu de musicaires deus differents talhèrs de l'ACCPPG.



CONTACTS

ACPPG
Maison de las associacions
29, camin de Baron
F.32000 AUSH

en çò deu president : Marc CASTANET
Tel : +33 (0)5 62 65 61 94
Fax : +33 (0)5 62 65 65 47
e-mail : acppg


© ACPPG. 1998
Arrealizat peu Joan-Miquèu Espinasse