“CE DUETTO N’EST PAS RECENT…”
Munits desempuish mantuas annadas deus sols braç, camas, caps e utís musicaus, aquestes dus compairs prepausan un concèrt o un bal de quate mans. Musicas tots formats, tots bohets, totas dimensions e totas pagèras, o se ne vésen e on se n’enténen de totas !
Lo repertòri ? Tradicionau o de composicion, mès e cau enqüèra hèr ua distincion ?
E jogarén sustot endeu plaser ?
Marc CASTANET
(acordeon, còrnamusa, flahuta e tamborin, cant) Mostachut. 1m75. Qu’ei lo mes petit. Que jòga auei dambe : Accord Duo Swing, Verd e Blu, Capsús (ancianament La Brigada Menestrèrs, Los musicians de l’ACPPG.
Enregistraments sus CD : Bal de Garona, Camins (Duo Espinasse), Verd e blu, Nadau en Companhia, Noche en Vela et Esprits Nomades (C. Vieussens), mantuas produccions deus Menestrèrs Gascons, Sul camin, Chenapans et Lousticks, Graines de Sel…
Michel LE MEUR
(sonsaina, acordeon, percussions, cant)
Mostachut. 1m80. Qu’ei lo mes gran.
Que jòga actuaument dambe : Accord Duo Swing, La Vèspa, Chenapans et Lousticks…
Enregistraments sus : LLB 80’S, Charivari, Aval-Aval, Cançons de Femnas, Camins (Duo Espinasse),
Nadau en Companhia, Anthologie de la Chanson Traditionnelle française, Chenapans et Lousticks……
… QUE S’ENCONTRÈN DENS LAS ANNADAS 80 A L’ENTORN D’UN O DUS ACORDEONS, QUE LOS AN CONSOMATS DINC’AU DARRÈR BOTON, E SE SON PAS QUITATS MES, SIMPLAMENT PR’AMOR QUE LA COMPLICITAT EI VENGUDA LA LOR MONEDA D’ESCAMBI. LAS LORS INSPIRACIONS SON MES D’UA : TOTAS, TOTAS (BON, ANEM, FÒRÇA ! ) LAS MUSICAS TRADICIONAUS (GASCONHA E OCCITANIA EN PRIORITAT, EURÒPA, ANTILHAS, CARAÏBAS… ENTRE AUTAS), RICET BARRIER, LO JAZZ, LA CANÇON TRUFANDÈRA, E MES QUE TOT, MES QUE TOT… L’UMOR… TOTJORN L’UMOR. DE SERVIR PLAN ENVIAT, DAMBE DE QUE SE DINDOLAR UA BRICA…
Quauquas participacions :
Nuit de la Danse à L’Isle-Jourdain.- Conservatoire Occitan Toulouse – ADDIM de Lozère – Stage de Sauméjan.- Trad’Envie à Pavie – Festival des Musiques Métissées de Parthenay – Rencontres Internationales d’Accordéon de St Symphorien – Rondèu de CastelnauBarbarens – Castans – St Gaudens – Trobada d’Acordionistes de Maçanèrs – Château à Musiques de Roquefort – Trad’Octomnales de Miélan – Fête du Dalfin à Borgo St Dalmazzo – Gasconnades de Lectoure – 30 ans de l’associacion Arpalhands…
Contact : acppg@mailo.com / 05 62 65 61 94