ASSOCIATION POUR LA CULTURE POPULAIRE EN PAYS GASCON
L’ASSOCIATION POUR LA CULTURE POPULAIRE EN PAYS GASCON (ACPPG) qu’ei neishuda en 1979, a l’iniciativa d’un grop de musica occitana deu parçan d’Aush, La Sansonha. En aqueste periòde, l’associacion pren la sua plaça dens lo movement « revivaliste », aquò dens un environament larg : mencionem entre autes exemples pròches l’ACPL (Association pour la Culture Populaire dans les Landes), l’ACPA (Associacion per la Cultura Populara en Agenés, arrebatiada i a pauc Culturas d’Òc), Menestrèrs Gascons en Béarn, l’ARIMP (Association de Recherche sur les Instruments de Musique Populaire) a Tolosa. Que cau rapelar que lo Conservatòri Occitan de las Arts e Tradicions Popularas (vengut auei COMDT) ei neishut a Tolosa dens las annadas 1970.
Mantuas personas, interessadas per la recèrca, la sauvagarda, la difusion e lo desvelopament de la cultura populara occitana entran lèu dens lo projècte, en tot ajudar a definir l’objectiu prumèr, a sàber l’estudi deu patrimòni culturau occitan en la sua composanta gascona, dambe mejans de tota sòrta :
- Enquistas sus la dança, la musica, la lenga,
- Mesa en plaça de talhèrs regulars o estagis de musica, dança, lenga, teatre…
- Difusion d’espectacles vius de musica, teatre, dança, contes…
- Organizacion de hèstas, espectacles, concèrts, bals, exposicions, encontres o estagis, lo tot ligat a la musica occitana o a musicas d’autas regions o pais…
- Acquisicion d’instruments de musica, mes en locacion auprès deus eslhèves deus talhèrs.
En mei d’aquestas accions especificas, l’ACPPG que collabòra plan viste dambe partenaris divèrses : Larèrs Ruraus, Comité Départemental du Théâtre Amateur, Conservatòri Occitan, Circuits (Ville d’Auch), ADDA de Gèrs, Eclats de Voix, Menestrèrs Gascons, Calandreta, Arpalhands, Trad’Envie…
Quauquas participacions :
- Mantuas annadas au Comitat de Redaccion d’INFOC, butletin mensuau de l’actualitat culturau occitane, et mes que tot de la musica e de la dança.
- Membre, pendent quauquas annadas tanben, deu Conselh d’Administracion deu Centre Regionau de las Culturas, creat peu Conselh Regionau Miejorn-Pirenèus en 1982.
- Membre deu collectiu Culturas Vivas en Miejorn-Pireneas : organizacion de rencontres regionaus a l’entorn de la factura instrumentau : Revèl, Montauban, Vilamur, Sant Antonin…
- Membre de la Comission Regionau de Difusion de l’espectacle viu : viradas de grops de musica tradicionau d’autas regions o d’autes pais dens lo departament.
- Partenariat dambe la Comuna d’Aush pendent mantuas annadas : difusion de concèrts de musica tradicionau occitana, d’autas regions o d’autes pais, d’espectacles de teatre occitan…
- Organizacion de 6 edicions de la Hèsta deu Rondèu a Duran e Castelnau-Barbarens. Aquera hèsta a l’entorn deu rondèu, neishuda a Samatan en 1978, qu’ei venguda auei Rondèu de Castelnau.
- Participacion au projècte Gasconte : concèrt de contes e musicas, en partenariat dambe l’Ensemble Orchestral d’Aush.
- Participacion au projècte europenc ERASMUS + « Go to the Future ». http://www.go-to-the-future.eu/
- Participacion a la redaccion d’articles endeu portau « Regards sur le Gers » a l’iniciativa deus Archius Departamentaus de Gèrs, en collaboracion dambe l’INA. fresques.ina.fr/regards-gers
Actuaument :
- Membre du Centre Occitan des Musiques et Danses Traditionnelles en Midi-Pyrénées (COMDT).
- Membre de l’Association Départementale pour le Développement des Arts (ADDA) du Gers.
- Membre de la Fédération des Associations de Musique et Danses Traditionnelles (FAMDT).
Editions :
- « Coup de vent » : caisheta (4 titols) de l’Ensemble de Violons de Gascogne (estarit).
- « GAEL-ÒC » : libe de fòtos editat dens lo cadre d’un projècte européen ERASMUS + « Go to the Future » (tostemps disponible a l’adreça de l’ACPPG).