La Dictada Occitana ei per totas e tots lo parat de trobar o retrobar lo plaser d’escríver en occitan. Rasseguratz-vos, n’ei pas la copia occitana de la dictada d’un famós escrivan o tanpauc de la d’un non mens famós animator de television de las annadas 80-90 ! Aquera dictada qu’ei au jorn d’auei ua tradicion plan coneishuda puishque, engoan, ne seram a la vint-e-setaua edicion !
Ua edicion de la dictada 2024 serà donc organizada a AUSH per l’ACPPG (Association pour la Culture Populaire en Pays Gascon). Quin que sia lo vòste nivèu de coneishença de la lenga escrita – aci lo dialecte gascon – que vos convidam en un moment de convivialitat a l’entorn d’aqueth exercici !
Programa :
14 h : acuelh de las e deus participant.as
14 h 30 : dictada
16 h : correccion de la dictada
17 h : remesa deus prèmis !
17 h 30 : veire de l’amistat
Ende la mei bona tenguda d’aqueth moment culturau, ique vau melhor de se marcar a l’avança, ende prevéser lo materiau necessari : taulas, cadièras, nombre de copias…
Contactes per l’inscripcion : acppg@mailo.com o tanben 05 62 65 61 94.
La sala d’animacion de Cuzin ei limitada a 50 plaças, ne i aurà donc pas nada cadièra de mes ende’us retardataris !
L’ACPPG tengurerà en seguir (a l’entorn de 18 h) la sua Amassada Generala.